محمد هاشم زماني

ملي ترانه

---

دا افغــــانستان وطــــــن زمـــــــونږ د افغانانو دى

دانـــــــــــه د روسانو، امـــــريکې او چينايانو دى

نه پريږدو په دې کې خــارجي يرغلگران مونږه

دا وطــــــــــن زمونږ د افــــــغانانو سربازانو دى

دلته سکندر، تيمور انگريز شکست خوړلې دى

خوري به شــــــکستونه وار  راغلې د روسانو دى

هريو شاهنشاه چې د جهان په مونږ يرغل کړې

قبـــــــر دا وطــــن د يرغلگـــرو خونخوارانو دى

دا دمــــــــــلالۍ او د نــــاهيد غـږ په سنگر کې دى

دا وطــــــن سنگــــــــر د آزادۍ د شهــــــــــيدانو دى

بـــې له آزادۍ نه مــــو وطن کې بل څه نشته دى

دا وطــــــــــــن ډيـــــــوه د آزادۍ  د پتنگانــــو دى 

جنـــــگ د آزادۍ کـــې مـــلي ننـگ د قــربانۍ سره

ســــــــــــور د آزادۍ ډگــــــر په وينــو د ځوانانو دى

١٩٨٢ کال د جون ٢٩ نيټه

هامبورگ